«Ֆորմուլա-1»-ի ընթացիկ մրցաշրջանի 4-րդ Գրան պրին տեղի ունեցավ Բահրեյնում: Նախորդ տարվա հոկտեմբերից հետո առաջին անգամ հաղթանակ տոնեց Սեբաստիան Ֆետելը:
Գրան պրիի մեկնարկից 2 ժամ առաջ Բահրեյնի վազքուղու երկնքում սկսեցին ամպեր հավաքվել: Հորդառատ անձրև այդպես էլ չտեղաց: Ֆետելը, Հոմիլթոնն ու Ուեբերը առաջին իսկ շրջադարձից հետո պահպանեցին իրենց տեղերը, իսկ չորրորդ և հինգերորդ հորիզոնական բարձրացան Ռոմեն Գրոժանը և Ֆերնանդո Ալոնսոն:
Առաջին իսկ շրջանից Ֆետելը սկսեց մեծացնել իր առավելությունն իրեն հետապնդող Հեմիլթոնի նկատմամբ՝ 3-րդ շրջանի վերջում այն հասցնելով 3 վայրկյանի: 4-րդ շրջանում Գրոժանը 3-րդ տեղի համար պայքարում շրջանցեց Ուեբերին:
Պիտ-կանգառների առաջին ալիքը մեկնարկեց 7-րդ շրջանում: «Մաքլարեն»-ի մեխանիկները լուրջ խնդիրներ ունեցան Հեմիլթոնի բոլիդի պտուտակների հետ, և բրիտանացին ետ մնաց առաջատարներից:
Մրցման ավարտից 10 շրջան առաջ Ռայկոնենը կրկին գոհում էր Ֆետելին, սակայն գերմանացին կարողացավ ավելացնել արագությունը և մոտ 3 վայրկյանի առավելություն ստացավ ֆիննի ավտոարշավորդի նկատմամբ: 52-րդ շրջանում Ռոսբերգը 5-րդ հորիզոնականի համար պայքարում շրջանցեց Փոլ դի Ռեստային:
1. Սեբաստիան Ֆետել («Ռեդ Բուլ») — 1:35:10.990
2. Կիմի Ռայկոնեն («Լոտուս») + 3.333
3. Ռոմեն Գրոժան («Լոտուս») +10.194
4. Մարկ Ուեբեր («Ռեդ Բուլ») +38.788
5. Նիկո Ռոսբերգ («Մերսեդես») +55.460
6. Փոլ դի Ռեստա («Ֆորս Ինդիա») +57.543
7. Ֆերնանդո Ալոնսո («Ֆերրարի») +57.803
8. Լուիս Հեմիլթոն («Մաքլարեն») +58.984
9. Ֆելիպե Մասսա («Ֆերրարի») +1:04.999
10. Միխայել Շումախեր («Մերսեդես») +1:11.490
Ավտոարշավորդների անձնական հաշվարկ.
1. Սեբաստիան Ֆետել («Ռեդ Բուլ») – 53 միավոր
2. Լուիս Հեմիլթոն («Մաքլարեն») – 49
3. Մարկ Ուեբեր («Ռեդ Բուլ») – 48
4. Ջենսոն Բատոն («Մաքլարեն») – 43
5. Ֆերնանդո Ալոնսո («Ֆերրարի») – 43
Թիմային հաշվարկ.
1. «Ռեդ Բուլ» – 101 միավոր
2. «Մաքլարեն» – 92
3. «Լոտուս» – 57
4. «Ֆերրարի» – 45
5. «Մերսեդես» -37