Երեկ կայացավ Անգլիայի առաջնության 24-րդ տուրի վերջին հանդիպումը: Առաջին խաղաշրջանի գլխավոր հայտնություն դարձած «Բոլթոն»-ը «Ռիբոկ» մարզադաշտում հյուրընկալեց Լոնդոնի Չելսիին: Այս հանդիպումը երկու թիմերի համար էլ չափազանց կարևոր նշանակություն ուներ. «Բոլթոն»-ը վերջին չորս հանդիպումներից երեքում պարտվել էր և պետք է միավորներ վաստակեր, որ կրկին վստահություն ձեռք բերեր սեփական ուժերի նկատմամբ, իսկ «Չելսի»-ն պետք է ապացուցեր, որ կրկին մարզավիճակ է ձեռք բերել և պատրաստ է միանալ չեմպիոնության պայքարին:
«Ազնվականներ»-ը լուծեցին իրենց առջև դրված խնդիրը և չորս անպատասխան գնդակ ուղարկեցին մրցակցի դարպասը: Այս հաղթանակից հետո «Չելսի»-ն արդեն ընդամենը չորս միավորով է զիջում 3-րդ տեղում ընթացող «Մանչեսթեր Սիթի»-ին: Բոլթոնը, որ առաջին խաղաշրջանն ավարտել էր 6-րդ հորիզոնականում, այս տուրից հետո նահանջեց 10-րդ հորիզոնական: