«Առաջին լրատվականի» հետ զրույցում Ռուսաստանում ՀՀ դեսպանատան մամլո խոսնակ Գևորգ Մինասյանը նշեց, որ այսօր մոսկովյան Դոմոդեդովո օդանավակայանում տեղի ունեցած պայթյունի հետևանքով յան ազգանունով հայեր չկան.«Դիսպեչերը, ով ինֆորմացիա է տալիս զոհվածների և տուժածների վերաբերյալ, հայտնում է, որ յան ազգանունով գրանցվածներ չկան, սակայն դա չի նշանակում, որ հայ չկա, մենք սպասում ենք և պարզում»:
Հիշեցնենք, որ արդեն հայտնի է մեկ հայի անուն: Դա 1969թ. ծնված Կարեն Միխայիլի Գալստյանն է, որը բնակվում է մերձմոսկովյան Կրասնոգորսկի շրջանում: Տուժածը գտնվում է Մոսկվայի թիվ 64 հիվանդանոցում:
