Ըստ արաբական լրավամիջոցների տեղեկության` Եգիպտոսը Գերմանիայի կառավարությանը պաշտոնական պահանջ է ներկայացրել վերադարձնել 20–րդ դարի սկզբում Եգիպտոսից կեղծ փաստաթղթերի միջոցով արտահանված Նեֆերտիտիի կիսանդրին. այս մասին պաշտոնական հայտարարություն է արել Եգիպտոսի հնությունների հարցերով Գերագույն խորհրդի (ԵՀԳԽ) ղեկավար Զախի Հավասը:
Նրա խոսքերով, անգին այս հուշարձանը, որը 3,3 հազար տարվա հնություն ունի, 1913թ.-ին կեղծ փաստաթղթերով արտահանվել է Գերմանիա, դրանից հետո վաճառվել Բեռլինի թանգարանին, որտեղ էլ հանգրվանել է մինչև այսօր: Եգիպտոսը բազմիցս դիմել է գերմանական կողմին, սակայն միշտ ստացել է բացասական պատասխան: Սակայն վերջին տարիների ընթացքում Բեռլինը ընդունել է այն փաստը, որ կիսանդրին Եգիպտոսից բերվել է կեղծ փաստաթղթերի միջոցով, և որ նրանք պատրաստ են վերադարձնել այն:
Կրաքարից պատրաստված այս արձանիկը, որի վրա պատկերված է Նեֆերտիտին` հայտնի փարավոն Էխնատոնի կինը, ով ապրել է և կառավարել Եգիպտոսը 3 հազար տարի առաջ, գլխավորում է այն արժեքավոր իրերի ցանկը, որի արտասահմանից վերադարձման համար պնդում է եգիպտական կողմը:
Հուշարձանը հայտնաբերվել է 1912թ.-ի դեկտեմբերի 6-ին գերմանացի գիտնական-եգիպտագետ Լյուդվիգ Բորհարդի կողմից, Եգիպտոսի հարավում:
