«Ֆորմուլա-1»-ի «Մերսեդես» թիմի ավտոարշավորդ Միխայել Շումախերի պայմանագրի ժամկետի երկարաձգման հարցը դեռևս վերջնականապես չի լուծվել: Թիմի պաշտոնական կայքը տեղեկացնում է, որ «Մերսեդես»-ի տնօրեն Ռոս Բրաունը դեռևս չի ցանկանում մեկնաբանել այս գործընթացը:
«Այս պահին Շումախերի հարցը դեռևս չի լուծվել: Մրցաշրջանի որոշակի հատվածում պարզ կլինի, թե ինչպիսի որոշում է պետք կայացնել, որպեսզի դա ավելի նպատակահարմար լինի Շումախերին, թիմին և մեզ բոլորիս, սակայն մինչ այդ պահը դեռ շատ ժամանակ կա: Ամեն դեպքում նա լեգենդար ավտոարշավորդ է և իսկական թիմային ընկեր»,- ասել է Բրաունը:
Հիշեցնենք, որ «Ֆորմուլա-1»-ի Ավստրալիայի, Մալայզիայի և Չինաստանի գրան պրիներից հետո զբաղեցնում է ավտոարշավորդների ընդհանուր աղյուսակի 17-րդ հորիզոնականը` իր ակտիվում ունենալով 1 միավոր: