«Առաջին լրատվական»-ը զրուցել է Երուսաղեմի պատրիարքության միաբան Արիս արքեպիսկոպոս Շիրվանյանի հետ` այսօր Al Jazeera արաբական հեռուստաընկերության տարածած հաղորդագրության այն տեղեկության շուրջ, ըստ որի` 2008թ. Պաղեստինյան ինքնավարության իշխանությունները գաղտնի բանակցել են Իսրայելի հետ` համաձայնելով հին Երուսաղեմի մի մասը` այդ թվում և Հայ եկեղեցուն պատկանող տարածքի մի հատվածը հանձնել Իսրայելին։
– Սրբազան հայր, Al Jazeera արաբական հեռուստաընկերության այսօր տարածած հաղորդագրության առնչությամբ ի՞նչ կարող եք ասել։ Երուսաղեմում հայոց պատրիարքարանն ի՞նչ է մտածում խնդրո շուրջ: Հայտնի է, որ Հայոց պատրիարքությունը միշտ եղել է պաղեստինցիների կողքին, և այսօր պարզվում է, որ գաղտնի բանակցությունների ժամանակ քննարկվել է գործողությունների մի սցենար, ըստ որի` Հայ եկեղեցու տարածքի մի մասը պետք է անցնի Իսրայելի տնօրինությանը։
– Այդպիսի պաշտոնական հայտարարություն մենք չենք իմացել: Որևէ բանից տեղյակ չենք, իսկ ինչ վերաբերում է ներկա վիճակին, որևէ քաղաքական որոշում չկա մեզ համար: Ինչ-որ հայտարարվում է թերթերում (ես էլ կարդացել եմ), անցնող երկու տարիների ընթացքում անընդհատ խոսակցությունների նյութ են դարձել Երուսաղեմի գոյավիճակի և պաղեստինյան տերության անկախության համար պայմանների ճշգրտումը, բայց դրանք միայն զրույցներ են, որևէ բանակցություն կատարված չէ` համաձայնություն կնքելու առումով:
– Իսկ եթե այդպիսի բան տեղի ունենա, ի՞նչ պետք է նախաձեռնի պատրիարքարանը։ Ըստ էության, չի բացառվում, որ այսօր էլ բանակցությունների սեղանին հայտնվի հայկական կալվածքներին վերաբերող նոր բանակցային գործընթաց։
– Պատրիարքարանն առայժմ որևէ քայլ չի անում, քանի դեռ բանակցություններն իսկապես տեղի չեն ունենում: Ներկայումս Պաղեստինի և Իսրայելի իշխանության միջև բանակցությունները խզված են, այնպես որ, սպասողական դրության մեջ ենք: Գալով Երուսաղեմի գոյավիճակին` ասեմ, որ եկեղեցիների պահպանման առումով (Երուսաղեմում առկա հայ և օտար եկեղեցիների) միասնական որոշում էր կայացվել. հստակ ասվել էր դեռ մի քանի տարի առաջ, որ Երուսաղեմի սրբավայրերն ունենան բացառիկ ռեժիմ, մասնավոր ռեժիմ: Մնում է միայն, որ բանակցող կողմերը նկատի առնեն քրիստոնեական եկեղեցիների այդ դիրքորոշումը Երուսաղեմի գոյավիճակի կապակցությամբ:
– Հարցը, ըստ Ձեզ, ինչպիսի՞ լուծում կստանա, կարո՞ղ է արաբներն իսկապես դավաճանեն հայերին:
– Չեմ կարող մեկնաբանել, իրավունք չունեմ մեկնաբանություն անել այդ մաս
