Ավարտվեց «Ֆորմուլա-1»-ի Բահրեյնի Գրան պրիի որակավորման փուլը: Առաջին հորիզոնականը նվաճեց Սեբաստիան Ֆետելը («Ռեդ Բուլ»): Ընթացիկ մրցաշրջանում ի վերջո իր ներուժը ցուցադրեց ավստրիական թիմը: Նախորդ երկու տարիների չեմպիոն Սեբաստիան Ֆետելը, ով տապալել էր ընթացիկ մրցաշրջանի մեկնարկը, կարողացավ իր բոլիդով հասնել հաջողության:
Երկրորդ հորիզոնականը զբաղեցրեց «Մաքլարեն»-ի ավտոարշավորդ Լուիս Հեմիլթոնը:
Բացահայտ է, որ այժմ Ֆետելն ավելի քիչ վառելիք ունի վաղվա Գրան պրիի մեկնարկի համար: Կարելի է ենթադրել, որ առաջին իսկ պիտ-կանգառների ալիքի ժամանակ գերմանացին առաջատարի դիրքը կզիջի Հեմիլթոնին, եթե իհարկե արտասովոր ոչինչ տեղի չունենա:
Ֆետելի մարտավարությամբ հանդես եկավ «Ռեդ Բուլ»-ի երկրորդ ներկայացուցիչը նույնպես: Մարկ Ուեբերը ցույց տվեց երրորդ արդյունքը և Գրան պրիում կմեկնարկին երրորդ հորիզոնականից:
Բահրեյինի Գրան պրիի 2010 թվականի մրցաշարի հաղթող Ֆերնանդո Ալոնսոն («Ֆերրարի») ցույց տվեց 9-րդ արդյունքը:
1. Սեբաստիան Ֆետել («Ռեդ Բուլ») — 1:32.422 րոպե,
2. Լուիս Հեմիլթոն («Մաքլարեն») – 1:32.520,
3. Մարկ Ուեբեր («Ռեդ Բուլ») — 1:32.637,
4. Ջենսոն Բատոն («Մաքլարեն») – 1:32.711,
5. Նիկո Ռոսբերգ («Մերսեդես») – 1:32.821,
6. Դանիել Ռիկարդո («Տորո Ռոսո») – 1:32.912,
7. Ռոմեն Գրոժան («Լոտուս») – 1:33.008,
8. Սերխիո Պերես («Զաուբեր») – 1:33.394,
9. Ֆերնանդո Ալոնսո («Ֆերրարի») — առանց ժամանակ
10. Փոլ դի Ռեստա («Ֆորս Ինդիա») – առանց ժամանակ