Կատալոնական «Բարսելոնա»-ի պաշտոնական կայքին տված հարցազրույցում ակումբի կիսապաշտպան Չավին հայտնեց, որ Իսպանիայի ընթացիկ առաջնության չեմպիոնության հարցը կվճռվի 35-րդ տուրի «Բարսելոնա» – «Ռեալ» հանդիպման ժամանակ:
«Իսպանիայի առաջնության չեմպիոնի հարցը մեծ հաշվով կորոշվի «Ռեալ»-ի դեմ խաղում: Մենք ամեն ինչ կանենք որպեսզի հաղթենք մրցակցին և մրցաշարային աղյուսակում կրճատենք նրանց ունեցած առավելությունը: Մեծ հույսեր ունենք, քանզի կար մի շրջան, երբ «Ռեալ»-ը մեզ գերազանցում էր 10 միավորով: Այս հանդիպմանը մենք հանդես կգանք մեզ համար հարազատ խաղաոճով, իսկ հակառակորդը մեր դեմ խաղերում մի քանի անգամ փոխել է իր խաղաոճը: «Բարսելոնա»-ն ձգտում է առավելություն ստանալ դաշտում և տիրել գնդակին», – ասել է Չավին:
Հիշեցնենք, որ Իսպանիայի առաջնության 34-րդ տուրից հետո մրցաշարային աղյուսակը գլխավորում է «արքայական ակումբ»-ը, որը վաստակել է 85 միավոր: Նրան 4 միավոր է զիջում «Բարսելոնա»-ն:
