«Առաջին լրատվական»-ն այսօր հայտնել էր, որ իսրայելական հանձնաժողովը, որը քննում էր իսրայելական սահմանապահների գործողությունների օրինաչափությունն ընդդեմ «Խաղաղության նավատորմի» ուղևորների, որոշել էր, որ իսրայելցիների գործողությունները եղել են օրինական և չեն հակասել միջազգային իրավունքին:
Այսօր Թուրքիան հանդես է եկել հակադարձ քայլով` ներկայացնելով սեփական վերլուծությունները` կապված այդ դեպքի հետ:
Թուրքական զեկույցը դեռ սեպտեմբերի 1-ին փոխանցվել էր Միացյալ ազգերի կազմակերպություն, սակայն դրանից որոշ մասեր հրապարակվեցին:
Իսրայելական սահմանապահներին թուրքերը մեղադրել են միջազգային իրավունքի խախտման մեջ: Ըստ թուրքերի` Mavi Marmara նավի վրա նախքան հարձակվելը և այնտեղ դեսանտ իջեցնելը, իսրայելցիները սպանել են երկու թուրքի: Սակայն այդ ամենը տեսանյութերի վրա չի արձանագրվել, և դրա շուրջ շահարկումներից խուսափելու համար թուրքական փորձագետները շեշտը դրել են այն բանի վրա, որ ուղևորների դեմ բիրտ ուժ է կիրառվել. ուղևորներին զրկել են սնունդից և ջրից, երկար ժամանակ պահել են ձեռնաշղթաներով, խուզարկություն իրականացնելիս կանանց նկատմամբ եղել են սեռական ոտնձգություններ:
Այս մասին գրում է The World Bulletin-ը: