Ռուսական Интерфакс լրատվական գործակալության փոխանցմամբ՝ Իրանի ափերի մոտ պարեկություն կատարող ամերիկյան ռազմանավերը ներկայումս ունեն «Տոմահավկ» տիպի մոտ 430 հրթիռ, որոնց հեռահարությունը կազմում է 1600 կիլոմետր:
ԱՄՆ ռազմածովային ուժերի տեղեկատվական ծառայության հաղորդմամբ՝ ներկայումս Պարսից ծոցում է գտնվում Enterprise ավիակրի գլխավորած հարվածային խումբը, որն ունի նվազագույնը 130 թևավոր հրթիռ:
Նրա հարևանությամբ՝ Արաբական ծովի հյուսիսային մասում է գտնվում Abraham Lincoln ավիակրի գլխավորած հարվածային խումբը, որն ունի նույն քանակությամբ «Տոմահավկ»: Տարածաշրջանում է գտնվում նաև Georgia ատոմային սուզանավը՝ 154 թևավոր հրթիռով, ինչպես նաև ամֆիբիա-դեսանտային նավախմբի մեջ գտնվող սուզանավ՝ 12 «Տոմահավկով»:
Փորձագետների կարծիքով՝ այդ հրթիռները բավական են, որպեսզի ռազմական գործողությունների դեպքում շարքից հանեն Իրանի հակաօդային պաշտպանության (ՀՕՊ) բոլոր հիմնական միջոցներն ու օդանավակայանները: Լիբիայում ՆԱՏՕ-ի օպերացիայի առաջին օրերին առաջին հերթին ոչնչացվել է այդ երկրի ՀՕՊ-ը. ամերիկյան վերջրյա նավերից և սուզանավերից արձակվել էր մոտ 110 թևավոր հրթիռ:
