Գերմանիայի ծովահենների կուսակցության անդամներն իրենց բեռլինյան բաժանմունքի նախագահ Հարթմուտ Զեմկենից պահանջել են ինքնակամ հրաժարականի դիմում ներկայացնել: Այս մասին գրում է Bild-ը:
Վերջիններիս կարծիքով` Զեմկենը բավական հանդուժող է իրեն պահում ազգայնական հայացքների հարող իր կուսակիցների հետ:
Սկանդալը հարուցել են կուսակցության երկու անդամների արտահայտությունները:
Դիտեր Մյովսը, մեկնաբանելով Գյունտեր Գրասի հակաիսրայելական բանաստեղծությունը, իր աջակցությունն է հայտնել գրողին: Նա հայտարարել է, որ հրեաներին իրենց «ներկայացնում են որպես նահատակներ» ու սպասում են, որ իրենց պետք է այդպես ընդունի ամբողջ աշխարհը: Կուսակցության մեկ այլ անդամ ևս՝ Կարստեն Շուլցը կոչ է արել չեղյալ հայտարարել Հոլոքոստը ժխտողներին քրեական պատասխանատվության ենթարկելը:
Դրանից հետո կուսակցության շատ անդամներ պահանջեցին հեռացնել Մյովսին ու Շուլցին, սակայն Զեմկենը հրաժարվել է պահանջը կատարելուց: Իր բլոգում նա գրել է, որ ոչ ոք չի աջակցում նացիստներին, սակայն հարցն այն մասին, թե ինչպես է նրանց հետ պետք վերաբերվել, դեռ բաց է: Քաղաքական գործիչը խոստացել է հրաժարական տալ, եթե կուսակցության մեծամասնությունը դա պահանջի:
Հարթմուտ Զեմկենը 2009-ից Գերմանիայի ծովահենների կուսակցության անդամ է, որի առաջնորդ է ընտրվել 2012թ. փետրվարին: Նրա օգտին քվեարկել են կուսակիցների 53.3 տոկոսը:
