Վերջին օրերին ՀՀ սպառողական շուկայում կարտոֆիլի 1 կգ վաճառվում է մինչև 400 դրամով, ինչը բնակիչների շրջանում սուր դժգոհություն է առաջացրել։ Սա այն դեպքում, երբ կարտոֆիլի արտադրությամբ Հայաստանը ինքնաբավ երկիր է։ Ստացվում է, որ Վրաստանից ներկրված արքայախնձորն այսօր սպառողական շուկայում նույն գինն ունի, ինչ Հայաստանում արտադրված կարտոֆիլը։ Այսօր գյուղնախարարության բուսաբուծության վարչության պետ Գագիկ Մանուչարյանից փորձեցինք ճշտել, թե որն է կարտոֆիլի թանկացման պատճառը։ Նա մեզ հետ զրույցում նշեց, որ, նախորդ տարիների համեմատ, վերջին արում Հայաստանը շուրջ 100 հազար տոննայով պակաս կարտոֆիլ է արտադրել, միաժամանակ նվազել են ցանքսատարածքները։ Բայց եթե շուկայում կարտոֆիլ կա և վաճառվում է, դա չի նշանակում, որ առիթից պետք է օգտվեն և թանկացնեն։ Այս տարի, Գագիկ Մանուչարյանի խոսքերվ, 680 տոննա տնկանյութ է ներկրվել Հոլանդիայից, և մոտավորպես 1500-2000 տոննա տնկանյութ էլ սպասվում է։ Սա կնպաստի նախորդ տարիների ցուցանիշի ապահովմանը։
