1999թ. հոկտեմբերի 27-ին զոհված ԱԺ պատգամավոր, «Սովետական Հայաստան» թերթի նախկին գլխավոր խմբագիր Հենրիկ Աբրահամյանի այրին` Սիլվա Աբրահամյանը, առանձնապես շատ ասելիք չուներ: «Էլ հետադարձ հայացք չմնաց: Ամեն ինչ սկզբից էլ հասկանալի էր: Տասնմեկ տարի է անցել: Ամեն տարի մեզ հարցնում են, մենք էլ նույն բանն ենք ասում: Մինչեւ այս երկրում իշխանափոխություն չլինի, ոչինչ էլ չի բացահայտվի` ո՛չ հոկտեմբերի 27-ը, ո՛չ մարտի 1 –ը: Բոլորիս էլ դա հայտնի է: Ցավալի է, բայց այդպես է: Երկու տարեկան երեխային էլ է դա հայտնի», – նշել է տիկին Սիլվան: