ԵԽԽՎ նախագահ Մևլութ Չավուշօղլուն հայտարարել է, որ Լեռնային Ղարաբաղի հարցով Եվրոպայի խորհրդի խորհրդարանական վեհաժողովի ենթահանձնաժողովի նախագիծը փոխանցվելու է ԵԽ բյուրոյին:
«Վերջին նիստի ժամանակ մենք եկել ենք եզրակացության, որ ենթահանձնաժողովի ստեղծման հարցը կփոխանցվի ԵԽ բյուրոյին: Այդ հարցի քննարկումը կլինի ԵԽԽՎ լիագումար նիստի ժամանակ` այս ուրբաթ օրը»,- մամուլի ասուլիսի ժամանակ ասել է նա: Այս մասին քիչ առաջ փոխանցեց Trend գործակալությունը:
Հիշեցնենք, որ հայկական կողմն այս ենթահանձնաժողովի ստեղծմանը դեմ է հանդես գալիս` հայտնելով, որ հարցը քննարկվում է ԵԱՀԿ Մինսկի խմբի ձևաչափով, և անհրաժեշտություն չկա այն մեկ այլ միջազգային կազմկերպություն տեղափոխելու համար:
