Թուրքական Ankara լրատվական գործակալության փոխանցմամբ՝ երեկ Թուրքիայի հիմնական ընդդիմադիր ուժ հանդիսացող «Ժողովրդա-հանրապետական» կուսակցությունը (ԺՀԿ) պատրաստվում է ուսումնասիրել 1915 թվականի իրադարձությունների (Հայոց ցեղասպանություն) վերաբերյալ հայկական կողմի պնդումները.
Այդ մասին հայտնի է դարձել երեկ ԺՀԿ-ի կենտրոնական գրասենյակում տեղի ունեցած կուսակցության նիստից հետո, որը նախագահել է ԺՀԿ նախագահ Քեմալ Քըլըչդարօղլուն: Մոտ 2.5 ժամ տևած նիստում նախկին պատգամավոր և պաշտոնաթող դեսպան Շյուքրյու Էլեքդաղին հանձնարարվել է ուսումնասիրել 1915 թվականի իրադարձությունների վերաբերյալ հայկական պնդումները և պատրաստել համապատասխան զեկույց: Դրանից հետո ԺՀԿ-ն գնահատական կտա այդ զեկույցին:
