Մայիսի 29-ին կլինեն ԵՊՀ ռեկտորի ընտրություններ

Սույն թվականին Երևանի պետական համալսարանում տեղի կունենա ռեկտորի ընտրություն: «Առաջին լրատվական»-ի հարցին, թե Երևանի պետական համալսարանի ռեկտոր Արամ Սիմոնյանը արդյոք նորի՞ց կվերընտրվի, ռեկտորը պատասխանեց, որ ինքը դեռ չի որոշել՝ դնելո՞ւ է իր թակնածությունը, թե՞ ոչ, դրա մասին ավելի ուշ կմտածի, քանի որ հիմա շատ առօրյա գործեր ունի, և մինչև մայիսի 29-ն էլ շատ ժամանակ կա: Հիշեցնենք, որ Արամ Սիմոնյանը հրամանագրվել է մայիսի 29-ին և մինչև այս տարվա մայիսի 29-ը պետք է կատարի ռեկտորի իր պարտականությունները: ԵՊՀ ռեկտորի ընտրությունը կկայանա մրցութային կարգով։ Նոր ձևավորված խորհուրդը, ԵՊՀ կանոնակարգի և ռեկտորի ընտրության ընթացակարգի համաձայն, կհայտարարի մրցույթ։ Մրցույթին մասնակցելու համար մարդիկ կդիմեն, և խորհուրդը, երբ ժամանակը գա, կընտրի համապատասխան թեկնածուին, որն էլ կլինի հաջորդ ռեկտորը. պարզաբանեց Արամ Սիմոնյանը: