Վրաստանի նախագահ Միխեիլ Սաակաշվիլին շաբաթ օրը Երևանում հայտարարել է, որ 2010 թ. մոտավորապես կես միլիոն հայ զբոսաշրջիկներ են այցելել Վրաստան: Այս մասին հայտնում է վրացական http://www.apsny.ge կայքում` հղում անելով «Առկա» գործակալությանը: «Մենք ամեն ինչ անում ենք մեր երկրների հարաբերությունների ամրապնդման համար»,- հայտարարել է Սաակաշվիլին: Ընդ որում, Սաակաշվիլին նշել է, որ երկու երկրները պետք է զարգացնեն ոչ միայն տնտեսությունը, այլ նաև ինտելեկտուալ պոտենցիալը: «Ինտելեկտուալ հաջողությունները մեր նորմալ ապագայի հիմքը պետք է լինեն»,- նշել է Վրաստանի նախագահը:
Նա Հայաստանի և Վրաստանի երիտասարդությանը կոչ է արել չլքել երկիրը, մնալ հայրենիքում և զարգացնել այն: