Վիտալի Կլիչկոյի բռնցքամարտի ձեռնոցներն աճուրդի են դրվել «Подаруй дитині надію» բարեգործական ծրագրի շրջանակներում: Այդ մասին հայտարարություն է տարածել կազմակերպության մամուլի ծառայությունը:
2012 թվականի ապրիլի 10-ից մեկնարկած ինտերնետային աճուրդ-վաճառքին մասնակցել են Ուկրաինայի սպորտի, էստրադայի և շոու- բիզնեսի աստղերը:
Վաճառքի հանված յուրահատուկ իրերի մեկնարկային գինն է 50 ուկրաինական գրիվնի: Ստացված գումարն ամբողջությամբ կտրամադրվի մանկական մասնագիտացված բժշկական կենտրոնին` ռենտգենյան ճառագայթների սարքավորում գնելու համար:
Հատկանշական է, որ ինտերնետային աճուրդի գնորդների ամենամեծ ուշադրությանն ու հետաքրքրությանն արժանացան Վիտալի Կլիչկոյի բռնցքամարտի ձեռնոցները` հանրաճանաչ մարզիկի ինքնագրով: Առաջին իսկ օրն այդ ձեռնոցների աճուրդային գինը հասավ 500 գրիվնիի:
