Իլինոյս նահանգի Դիքսոն քաղաքի վարչակազմի աշխատակցուհի Ռիտա Քրանդուելը ձերբակալվել է՝ բյուջետային միջոցներից ավելի քան 30 մլն դոլար յուրացնելու կասկածանքով:
ԻՆչպես հաղորդում է The Wall Street Jornal-ը, վկայակոչելով իրավապահ մարմիններին, 58-ամյա աշխատակցուհին հարկարուների գումարներով մասնավորապես պահել է 150 ձիերով ախոռ, 2.1 մլն դոլարով իր համար ձեռք է բերել տուն, ինչպես նաև մեքենա, ոսկյա զարդեր և այլն:
Իշխանությունների տվյալներով՝ սեփական կարիքները բավարարելու համար քաղաքային բյուջեից Քրանդուելը սկսել է միջոցներ վերցնել 2006 թվից: Քաղաքապեր Ջեյմս Բերքն իրավապահ մարմիներին էր դիմել 2011 թ. աշնանը, երբ քաղաքային վարչակազմի աշխատակիցներից մեկը հայտնաբերել էր այն հաշիվը, որի վրա Քրանդուելը փոխանցում էր բյուջետային գումարները:
Դիքսոնի վարչակազմում Քրանդուելը 1980-ականների սկզբից զբաղեցնում էր քաղաքային ֆինանսների վերահսկիչի պարտականություները:
