Ադրբեջանական APA լրատվական գործակալությանը տված հարցազրույցի ժամանակ Ռուսաստանի փոխարտգործնախարար Սերգեյ Ռյաբկովն անդրադարձել է Ադրբեջանի տարածքում գտնվող և Ռուսաստանի կողմից վարձակալված Գաբալայի ռադիոտեղորոշիչ կայանի (ՌՏԿ) խնդրին.
«Գաբալայի ՌՏԿ-ի խնդիրը չի հասնի անլուծելիության աստիճանի: Այն չի կարող որևէ ռիսկ ստեղծել երկկողմանի հարաբերությունների զարգացման համար: Մենք չենք կարող Գաբալայի ՌՏԿ-ի վերաբերյալ բանակցությունները վարել մամուլի միջոցով և հայտնել, թե ներկայիս դրությամբ ուր է հասել բանակցային գործընթացը:
Դրա համար էլ տվյալ խնդրով զբաղվող անձանց պետք է հանգիստ թողնել, որ կատարեն իրենց աշխատանքը: Գաբալայի ՌՏԿ-ի շուրջ բանակցում են երկու երկրների արտգործնախարարությունների և պաշտպանության նախարարությունների աշխատակիցները»:
Հիշեցնենք, որ Գաբալայի ՌՏԿ-ի վարձակալության ժամկետը սպառվում է այս տարեվերջին: Ավելի վաղ նշվում էր, թե Ադրբեջանը Ռուսաստանից պահանջել է 43 անգամ ավելացնել Գաբալայի ՌՏԿ-ի վարձավճարը՝ տարեկան 7 միլիոն դոլարից այն հասցնելով 300 միլիոն դոլարի:
