«Դիսքավերի» մաքոքը երեքշաբթի` ապրիլի 17-ին, վայրէջք է կատարել Դալլեսի անվան միջազգային օդանավակայանում` Վաշինգտոնին հարակից արվարձանում, որպեսզի մշտապես պահվի Ավիացիայի և տիեզերագիտության ազգային թանգարանում:
Բնականաբար, նա չի կաորղ այնտեղ հասնել իր «ոտքով», այլ բերվել է հատուկ «օդային տաքսիով»:
Տիեզերական նավը տեղ հասցնելու համար օգտագործվել է «Բոինգ 747» մոդիֆիկացված ինքնաթիռը: Այս մասին հատնում է ITAR-TASS գործակալութույնը:
Մեկնարկելով առավոտյան Կանավերալի հրվանդանից (Ֆլորիդա նահանգ)՝ հսկայական ինքնաթիռը՝ «մաքոքը» տանիքին, «հրաժեշտի շրջան» է կատարել Քենեդու անվան Տիեզերական կենտրոնում և ուղևորվել դեպի հյուսիս: Հասնելով Վաշինգտոն` կատարվել է «հարգանքի շրջան» մայրաքաղաքի բնակիչների ու բազմամարդ հյուրերի բացականչությունների ներքո: ԱՄՆ ԶՈՒ կործանիչների էսկորտի ուղեկցությամբ այն թռել է Վաշինգտոնի ծառուղով ընդամենը 500 մետրի վրա, ապա նորից մեկնել օդանավայան, որտեղ տեղի է ունեցել հանդիսավոր արարողություն` նշանավորելով ավելի քան 30 տարի ձգվող տիեզերական ճանապարհորդության ավարտը:
«Դիսքավերին» իր առաջին թռիչքը կատարել է 1984 թ. և այդ ժամանակից ի վեր մասնակցել է 39 ուղեծրային ճանապարհորդությունների:
Այն Երկրի շուրջ կատարել է 5830 պտույտ և տիեզերքում մնացել է ընդհանուր առմամբ 365 օր: Մաքոքը վերջին թռիչքը կատարել էր 2011 թ. փետրվարին Կանավերալի հրվանդանից և իր առաքելությունն ավարտել մի քանի ամիս անց: