«Բըրնսի ընթրիքը» պարզապես ճաշկերույթ չէ. այն յուրօրինակ ծես է՝ իր բաղկացուցիչ տարրերով: Շոտլանդացի հայտնի գրող, երգահան ու մեծ հայրենասեր Ռոբերտ Բըրնսը նաև եղել է շատ հյուրասեր ու ընկերասեր մարդ: Նա հաճախ է իր տանը հավաքել մեծ թվով մարդկանց` ընկեր թե անծանոթ, հարուստ թե աղքատ, հյուրասիրել նրանց ավանդական հագինսով ու վիսկիով: Որպես կանոն` այս ճաշկերույթները մեծ խրախճանքի են վերածվել, բոլորն ուրախացել են, երգել ուրախ մեղեդիներ ու պարել, արտասանել բանաստեղծություններ: Այսօր Բըրնսի գեղեցիկ ավանդույթը պահպանվում է որպես շոտլանդական ազգային կարևորագույն տոն և հանդիսավոր տոնվում է ոչ միայն Շոտլանդիայում, այլև այն բոլոր երկրներում, որտեղ գոյություն ունի շոտլանդական համայնք: «Բըրնսի ընթրիք» կոչվող միջոցառումը կազմակերպվում է Ռոբերտ Բըրնսի ծննդյան օր` հունվարի 22-ին: «Բըրնսի ընթրիքն» ունի շատ կարևոր նշանակություն. այդ օրը գումար է հավաքվում բարեգործության համար: «Բըրնսի ընթրիքը» պարզապես ճաշկերույթ չէ. այն յուրօրինակ ծես է՝ իր բաղկացուցիչ տարրերով: «Այս ընթրիքին մատուցվում է հատուկ ճաշացանկ` շոտլանդական սուպ, հագիս, գազար և վիսկի: Առաջինը մատուցում են ապուրը, որը հայկական խաշ է հիշեցնում. պատրաստվում է գառան ոսկորների արգանակով: «Այս արգանակին ավելացնում ենք սխտոր, կարտոֆիլ, գազար, ապա ավելացնում ենք մի օր առաջ պատրաստված միսը, դնում կրակին:
Երբ սկսում է եռալ, ավելացնում ենք պղպեղ, աղ ու այլ ավանդական համեմունքները»,- բաղադատոմսը տրամադրեց շոտլանդական խոհանոցի մեծ վարպես խոհարար Կրեբը: Շոտլանդական ապուրից հետո մատուցվում է ընթրիքի կարևորագույն ուտեստը` հագիսը: Ավանդական հագիսը պատրաստվում է միայն «Բըրնսի ընթրիքի» համար: «Այս ուտեստը պատրաստվում է գառան թոքից, սրտից ու լյարդից: Այս ամենը լցնում ենք գառան ստամոքսի մեջ, պինդ փաթաթում պոլիէթիլային թիթեղով, դնում սառը ջրով լի կաթսայի մեջ ու եփում մինչև եռման ջերմաստիճանը»,- խոհարարական այս գաղտնիքն էլ բացեց խոհարար Կրեբը և ավելացրեց. «Աենակարևորը, ընթիքի ժամանակ պետք է խմել միայն վիսկի` շոտլանդական վիսկի: Բարի ախորժակ»:
