Ամերիկայի խորհրդարանի երկու պալատների հանրապետական խմբակցությունների ղեկավարներն իրենց աջակցությունն են հայտնել Մասաչուսեթս նահանգի նախկին ղեկավար, ԱՄՆ նախագահի թեկնածու Միթ Ռոմնիին: Այս մասին հաղորդում է France Presse գործակալությունը:
Ներկայացուցիչների պալատի խոսնակ Ջոն Բոներն ասել է` «ակնհայտ է, որ մեր թեկնածուն լինելու է Ռոմնին»: Նա ասել է, որ հպարտ է Ռոմնիին աջակցելու համար և խոստացել է ամեն ինչ անել` առաջիկա նախագահական ընտրություններում նրա հաղթանակն ապահովելու համար:
Մի քանի ժամ անց Ռոմնիին իր աջակցության մասին հայտնեց Սենատում հանրապետական փոքրամասնության ղեկավար Միտչ Մաքքոնելը: Նա նշել է, որ ներկայումս Հանրապետական կուսակցությունը գտնվում է Ռոմնիի շուրջ համախմբման փուլում: