Դեռ 1940 թվականի նոյեմբերի 24-ին հիմնադրված Երևանի կենդանաբանական այգում այժմ կա 215-ից ավելի անուն կենդանի¸ որոնք սակայն բնապահպանների ու կենդանաբանների կարծիքով` այգում այժմ գոյատևում են: «Մեր կենդանաբանական այգին ոչնչով չի համապատասխանում միջազգային կենդանաբանական այգիների չափորոշիչներին: Մեր կենդանիներն ապրում են փոքրիկ վանդակներում, որոնք չեն համապատասխանում անհրաժեշտ չափերին, մեր գիշատիչներն անտանելի ահավոր պայմաններում են բնակվում», -Առաջին լրատվականին այս մասին հայտնեց «Թռչնասերների կենտրոն» Հկ նախագահ Սիլվա Ադամյանը:
Պարզվում է` երևանի կենդանաբանական այգու կենդանիները բավական մեծ խնդիր ունեն կերակրի հետ: «Թռչնասերների կենտրոն» ՀԿ-ն ամեն օր բազմաթիվ ահազանգեր է ստանում այն մասին, որ այգ ահազանգեր ենք ստանում, որ այգու կենդանիներին կերարում են ոչ որակյալ, իսկ ավելի կոնկրետ` արդեն փչացած սնունդով: Մասավորապես գիշատիչներին, կապկանմաններին կերակրում են կենդանաբանական այգի տարված արդեն ոչ պիտանի սնունդով:
«Ես չեմ ուզում ասել այն «բարեգործների» անունները, ովքեր իրենց փտած ու անորակ ապրանքը տալիս են կենդանիներին ու դեռ մի բան էլ գլուխ են գովում, թե բարեգործություն են անում», – մեզ հետ զրույցում նշեց Սիլվա Ադամյանը` հավելելով, որ կենդանաբանական այգին այս պայմաններում գործելու իրավունք չունի:
