Հայտնի Wikileaks կայքում շուտով կտեղադրվեն նյութեր Ռուսաստանի մասին: Սկզբնական փուլում, երբ այս կայքը բացվում էր, հեղինակները հայտարարել էին, որ կայքի հիմնական նպատակն է բացահայտել գաղտնի փաստաթղթեր, որոնք վերաբերում են Ռուսաստանին, Չինաստանին եւ Միջին Ասիային, սակայն մինչեւ երեկ դրա հիմնական թեմաներն էին Իրաքն ու Աֆղանստանը, ինչպես նաեւ ԱՄՆ վարած քաղաքականությունը այդ երկրների նկատմամբ:
Կայքի հեղինակները կարծում են, որ կարող են ինֆորմացիա հավաքել Ռուսաստանի մասին` գաղտնի փաստաթղթեր ստանալով տարբեր աղբյուրներից: Սակայն տարակուսանք է հարուցում այն, որ երեկ կայքում հայտարարություն է եղել, թե ցավոք, ռուսական բոլոր կայքերը հիմնականում ռուսերեն են, եւ հնարավոր չէ ինֆորմացիա ստանալ: Կայքերի տեղեկությունները բաց են, եւ հայտնի չէ, թե ինչ տեղեկություն է Wikileaks-ը ստացել: Նաեւ նշվում է, որ տեղեկություններ են հաղորդվելու Չնաստանի մասին:
