Ազգային վիճակագրական ծառայության տվյալներով` 2010 թ. հունվարի 1-ի դրությամբ Հայաստանում որս է դարձել է 110 մուշտակամորթ (բոլորն էլ` նապաստակ): Վիճակագրության տվյալներով, Հայաստանում ամենալուրջը թռչունների վիճակն է, որոնք ոչնչացվում են: 2010 թ. հունվարի 1-ի դրությամբ, Հայաստանում մորթվել է 12,088 փետրավոր (752 աղավնի, 800 քարակաքավ, 1356 բադ, 400 սև փարփար և 8780 լոր):
«Թռչնասերների կենտրոն» Հկ նախագահ Սիլվա Ադամյանը նշում է¸ որ Հայաստանում թռչունների անխնա ոչնչացումը նորություն չէ. «Հայաստանում վտանգված են թռչունները¸ որսորդական տուրիզմ է զարգացվում¸ որի շրջանակներում արտերկրից իրենց քմահաճույքի համար եկած մեծ քանակությամբ տուրիստները կրակում թռչունների վրա եւ կրակում են հատկապես այն տեսակային կազմի վրա¸ որոնք նշված են կարմիր գրքերում»¸- նշեց Սիլվա Ադամյանը: Հայաստանում թռչունների անհետացող տեսակներից բնապահպանն առանձնացրեց հավալուսնին¸ անգղների տեսակային կազմը եւ ջրաճահճային թռչուններին: Ինչ վերաբերում է վերջիններին` Հայաստանը մի քան տարի հետո կզրկվի թռչունների այս տեղակից: Խնդիրն այն է¸ որ Հայաստանում մենք ունենք շատ քիչ ջրաճահճային տարածքներ¸ իսկ որտեղ որ կան էլ¸ օրինակ Արմաշի ձկնաբուծական տարածքները¸ դրանք սեփականաշնորհված տարաքծներ են եւ այս տեղերում էլ հենց զարգանում է որսորդական տուրիզմը: Մասնագետների խոսքով` հենց այս տարածքներում որսի միջոցով էլ Հայաստանից ավելի մեծ քանակությամբ ջրաճահճային թռչուններ են վերանում: