Նյու Յորքում ապրիլի 16-ին սկսվել են նյույորքյան մետրոյում ահաբեկչություն կազմակերպելու մեջ մեղադրվող բոսնիացի Ադիս Մեդումյանինի նկատմամբ դատական հերթական լսումները: Այս մասին հայտնում է CNN-ը:
Դատախազները նրան մեղադրել են այն բանում, որ նա Պակիստանում եղած ժամանակ ընդգրկվելով ահաբեկչական «Ալ-Քաիդա» ցանցի մեջ, սովորել է իսլամիստների ճամբարներից մեկում:
Հետաքննության տվյալներով` Մեսունյանինը ծրագրել էր պայուսակով մտնել մետրոներից մեկն ու պայթեցնել այնտեղ գտնվող ռումբը: Բոսնիացու համախոհները` Զարեին Ահմեդզայը ու Նաջիբուլլահ Զազին, արդեն տվել են խոստովանական ցուցմունքներ: Ահաբեկչությունը նախատեսված էր կատարել 2009թ. սեպտեմբերին:
Ինչպես և սպասվում է, որպես վկաներ՝ դատարանում հանդես կգան բոսնիացու նախկին համախոհները: Նրանք պետք է վկայություններ տան վերջինիս ունեցած դերի մասին` ահաբեկչությունը նախապատրաստելիս: