ԱՄՆ-ը ողջունում է Բելառուսի նախագահի նախկին թեկնածու Անդրեյ Սաննիկովի ու նրա նախընտրական շտաբի անդամ Դմիտրի Բոնդարենկոյի ազատ արձակումը:
«Սա, նախորդ ազատումների հետ, զգալի քայլ է»,- հայտարարել է ԱՄՆ պետդեպարտամենտի ներկայացուցիչ Մարկ Թոները «Ազատություն» ռադիոկայանի հետ զրույցում:
«Մենք կոչ ենք անում Բելառուսի կառավարությանը` անհապաղ ու անվերապահորեն ազատել բոլոր քաղբանտարկյալներին ու ապահովել նրանց քաղաքացիական ու քաղաքական իրավունքների լիակատար վերականգնումը: ԱՄՆ-ի ու Բելառուսի միջև հարաբերությունների լավացումը դեմոկրատիայի ու մարդու իրավունքների նկատմամբ հատուկ հարգանքն է»,- հայտարարել է Մարկ Թոները:
Հիշեցնենք, որ ապրիլի 14-ին ազատել էին Անդրեյ Սաննիկովին, հաջորդ օրը` Դմիտրի Բոնդարենկոյին:
Ներկայումս անազատության մեջ են 10 բելառուս ընդդիմադիրներ և ակտիվիստներ, որոնց իրավապաշտպանները համարում են քաղբանտարկյալներ: Ձերբակալվածների թվում են նաև 2010 թ. Բելառուսի նախագահական ընտրությունների թեկնածու Նիկոլայ Ստատկևիչը, Բելառուսում չգրանցված «Երիտասարդ ճակատ»-ի առաջնորդ Դմիտրի Դաշկևիչը, «Բելառուսի ազգային ճակատ» կուսակցության ակտիվիստ Սերգեյ Կովալենկոն:
