Սնուկերի վարկանիշային աղյուսակի աշխարհի նախկին առաջատար Ջոն Հիգինսը կարծում է, որ Անգլիայից դուրս կազմակերպվող մրցաշարերը հիմք կհանդիսանան, որպեսզի Ռոնի Օ’Սալիվանը հեռանա մեծ սպորտից:
«Ես հասկանում եմ այն իրադրությունը, որում հայտվել է Ռոնին: Ինքս ինձ հարցնում էի, թե որ մարզիկի հեռանալը սնուկերի աշխարհում մեծ իրարանցում կառաջացնի, և իմ պատասխանը մեկն է՝ Ռոնի Օ’Սալիվան:
Նրա վրա այժմ մի քանի գործոններ են ազդում: Ռոնին հոգեբանորեն անկայուն է դարձել, որի պատճառը անկայուն ընտանեկան կյանքն է: Նա պետք է թողնի սպորտը, որպեսզի լինի իր ընտանիքի հետ: Այդ ամենն ազդում է նրա վրա»,- The Sun հանդեսին տված հարցազրույցում ասել է Հիգինսը:
Հիշեցնենք, որ աշխարհի եռակի չեմպիոն Ռոնի Օ’Սալիվանը դեռևս պաշտոնական հայտարարություն չի արել իր կարիերայի և ապագա անելիքների մասին: