Նիկո Ռոսբերգը նվաճեց Չինաստանի Գրան պրին. Սպորտ

Ավարտվեց «Ֆորմուլա-1»-ի Չինաստանի Գրան պրին: իր մարզական կարիերայի 101-րդ Գրան պրիի ժամանակ առաջին անգամ հաղթանակ տոնեց Նիկո Ռոսբերգը («Մերսեդես»): Առաջին հորիզոնականից մեկնարկած գերմանացին անսխալ անցավ ողջ մրցուղին և կարողացավ հաղթանակ տոնել:

Մրցուղու մենարկից Ռոսբերգն առաջ անցավ բոլորից, իսկ երկրորդ հորիզոնականից մեկնարկած «Մերսեդես»-ի մյուս ավտոարշավորդը՝ Միխայել Շումախերը, թույլ չտվեց, որպեսզի այլ բոլիդներ մոտենան առաջատարին, սակայն 15-րդ շրջանում պիտ-ստոպում «Մերսեդես»-ի մեխանիկները ճիշտ չամրացրին անվադողը Շումախերի բոլիդին, և աշխարհի 7-ակի չեմպիոնը լքեց մրցաշարը:

Դրանից օգտվեցին «Մաքլարեն»-ի ավտոարշավորդներ Ջենսոն Բատոնը և Լուիս Հեմիլթոնը, որոնք մոտենում էին առաջատար Ռոսբերգին: Հիանալի մրցում էր անցկացնում նաև Մարկ Ուեբերը («Ռեդ Բուլ»):

Ռոսբերգը 35-րդ շրջանում գնաց պիտ-ստոպ, իսկ Բատոնն ավելի թեթև բոլիդով մնաց վազքուղում: 39-րդ շրջանում պիտ-կանգառ գնաց նաև Բատոնը, ով, ըստ հաշվարկների` պետք է վազքուղի վերադառնար` առաջատար Ռոսբերիգին զիջելով 1 վայրկյանով, սակայն թերացան նաև «Մաքլարեն»-ի մեխանիկները` չկարողանալով ժամանակին փոխել անվադողները: Բատոնը պիտ-կանգառում կորցրեց 10 լրացուցիչ վայրկյան և վերադառնալով վազքուղի` հայտվեց Ուեբերի ու Ալոնսոյի ետևում և այլևս չկարողացավ պայքար մղել առաջատարի հետ:

Մրցման վերջնամասում Լուիս Հեմիլթոնը նախ շրջանցեց Մարկ Ուեբերին, ապա` Սեբաստիան Ֆետելին (երկուսն էլ «Ռեդ Բուլ») և հայտվեց 3-րդ հորիզոնականում:

1. Նիկո Ռոսբերգ («Մերսեդես») – 1:36:26.929 ժամանակ
2. Ջենսոն Բատոն («Մաքլարեն») +20.626 րոպե
3. Լուիս Հեմիլթոն («Մաքլարեն») +26.012
4. Մարկ Ուեբեր («Ռեդ Բուլ») +27.924
5. Սեբասիան Ֆետել («Ռեդ Բուլ») +30.483
6. Ռոմեն Գրոժան («Լոտուս») +31.491
7. Բրունո Սենա («Ուիլյամս») +34.597
8. Պաստոր Մալդոնադո («Ուիլյամս») +35.643
9. Ֆերնանդո Ալոնսո («Ֆերրարի») +37.256
10. Կոմուի Կոբայասի («Զաուբեր») +38.720