BBC-ի հաղորդմամբ` Ալբանիայում բախումների հետևանքով կան զոհեր: Ըստ ոստիկանության` այս պահին հայտնի է երեք զոհվածի մասին, առնվազն 55-ը վիրավորվել են: Բախումները սկսել են այն բանից հետո, երբ ընդդիմությունը` Սոցիալիստական կուսակցության գլխավորությամբ, փողոց է հանել հազարավոր մարդկանց, որոնք բողոքում են 2009թ. ընտրությունները կեղծելու դեմ: Նրանք շարունակում են պահանջել, որպեսզի դրանց արդյունքները վերանայվեն, իսկ Ալբանիայի իշխող Դեմոկրատական կուսակցության հաղթանակն էլ չեղյալ հայտարարվի: Ոստիկանները հայտնել են, որ երեկ ստիպված են եղել կրակ բացել, քանի որ հանրահավաքի մասնակիցները փորձել են ճեղքել ոստիկանական պատնեշը և գրոհել կառավարական շենքերից մեկը: