Ինչպես հաղորդում են ռուսական լրատվամիջոցները, Ռուսաստանի Ստավրոպոլ քաղաքում ավտոտնակում հայտնաբերվել է 8 մարդու դիակ: Ինչպես հայտնել են լրատվամիջոցները, դա «Խան» մականունով Վլադիմիր Սլեզաևի և նրա ընտանիքի անդամների դիակներն են: Ինչպես հայտնի է դարձել, կենդանի է մնացել միայն նրա 8-ամյա թոռնուհին:
Դեպքի մասին հայտնել է տան այգեպանը, որը, բացելով ավտոտնակը, տեսել է 5 տղամարդու և երեք կանանց դիակները, որոնք շարված են եղել մեկը մյուսի կողքին: Հանցագործները չեն սպանել միայն «Խանի» թոռնուհուն, քանի որ վերջինս եղել է տան երկրորդ հարկում: Հավանաբար նրան չեն նկատել, կամ թոռնուհին չի տեսել սպանողներին, այդ իսկ պատճառով նրան կենդանի են թողել: Rosbalt-ի փոխանցմամբ, կենդանի է մնացել ևս մի երեխա, որը մեկ ամսական է:
«Խանը» «Հարավային» շուկայի տնօրեն Վլադիմիր Սլեզաևի մականունն է: Ժամանակին նա եղել է Ստավրոպոլի այսպես կոչված «նայողը», սակայն նրան հեռացրել են այդ գործից: Նրա դեմ 2003թ. արդեն մահափարձ կատարել էին` սպանելով նրա կնոջը, սակայն «Խանը» կենդանի էր մնացել:
Ստավրոպոլում կարծում են, որ սա քրեական աշխարհում տեղի ունեցող գործընթացների հետևանք է:
