«Ազատ դեմոկրատներ»-ի և «Ժառանգության» թիմը Ապարանից հետո այցելեց Քուչակ, այնուհետև Օհանավան, ու հետո Կարպի:
Կարպիում հանդիպումը այլ ձևաչափով էր. խոսեցին ոչ թե «Ազատ դեմոկրատներ»-ի և «Ժառանգության» ներկայացուցիչները, այլ ժողովուրդը:
Նրանք նշեցին, որ հավատում և հարգում են Րաֆֆի Հովհաննիսյանին ու նրա թիմին: Կարպեցիները նաև ցանկություն հայտնեցին, որ ընդդիմությունը միավորվի և միասին պայքարի:
Նրանք քննադատեցին բոլոր այն կեղծ ընդդիմադիրներին, ովքեր խոստումներ են տվել ու խաբել: Մասնավորապես բնակիչները բողոքեցին Արթուր Բաղդասարյանից ու Արտաշես Գեղամյանից՝ նշելով, թե վերջիններս ժամանակին որպես ընդդիմադիր եկել և իրենց խոստումներ են տվել, իրենք էլ ընտրել են նրանց, բայց հետագայում երկուսն էլ միացել են իշխանությանն ու խաբել ժողովրդին: Կարպեցիները նշեցին՝ այլևս չեն թողնելու, որ նման մարդիկ մտնեն իրենց գյուղ:
«Ժառանգության» և «Ազատ դեմոկրատներ»-ի նախընտրական քարոզարշավը Արագածոտնի մարզում շարունակվում է. նրանք այժմ Մուղնիում են, այնուհետև ուղևորվելու են Կոշ, իսկ վերջին կանգառը լինելու է Օշականում: