Դժվարությամբ ենք ձեռք բերել շտաբների տարածքներ: Այսօր «Առաջին լրատվական»-ի հետ զրույցում տեղեկացրեց թիվ 32-րդ ընտրատարածքում առաջադրված ՀԺԿ թեկնածու Նաիրի Արոյանը`խոսելով նախընտրական քարոզչության շուրջ:
Ըստ նրա` հավասար մրցակցային պայմանների մասին խոսք չկա: «Դժվարությամբ ենք տարածքներ վերցնում շտաբներ և գրասենյակներ բացելու համար»,- ասաց Ն. Արոյանը:
Անդրադառնալով իր քարոզարշավին` նա ասաց, որ տնետուն, փողոց առ փողոց անցկացնում են իրենց հնարավորությունների սահմանում: «Արդեն նախընտրական գրաֆիկները կազմել ենք, որպեսզի կարողանանք մեր բավականին ընդգրկուն ընտրատարածքում ներկայացնել մեր ծրագրերը: Հսկայական տարածքներ են, պետք է հասցնենք բոլոր տեղերում լինել: Իմ նախընտրական շտաբներում զբաղվում են և՛ ցուցակների ճշգրտմամբ, և՛ գյուղերում ներկայացնելով մեր ծրագրերը»,- մանրամասնեց պատգամավորի թեկնածուն:
Հիշեցնենք, որ նույն ընտրատարածքում առաջադրված են նաև ՀՀԿ թեկնածու Կարեն Կարապետյանը, անկուսակցական Արտակ Միրզոյանը, անկուսակցական Անուշավան Նիկողոսյանը և անկուսակցական Օֆելյա Վահանյանը: