Լեհաստանի իրավապահ մարմինները հայտնել են, որ ևս 8000 ոստիկանների ծառայության կարիք ունեն` 2012 թվականին Լեհաստանում և Ուկրաինայում կայանալիք ֆուտբոլի Եվրոպայի առաջնության անվտանգությունն ապահովելու համար:
Ոստիկանության ներկայացուցիչ Քշիշտով Հայդասի նման բովանդակությամբ հայտարարության մասին տեղեկացնում է Gazeta Prawna-ն:
Ոստիկաններից մեկի հավաստմամբ` լեհերը չեն ցանկանում աշխատել ոստիկանությունում ցածր աշխատավարձի պատճառով, և ղեկավարությունը ստիպված 2-4 հազար թափուր աշխատատեղ է թողնում իր աշխատակիցներին հավելավճար հատկացնելու համար: Սակայն այժմ կառավարությունը ծախսում է այդ գումարներ այլ նպատակներով:
Ոստիկանների կարծիքով՝ նման պայմաններում «Եվրո-2012»-ի կազմակերպումն անմտություն է, քանի որ ոստիկանության գործող աշխատակիցները ստիպված են լինելու մի քանի անգամ շատ աշխատել: Արհմիություններն էլ սպառնացել են Եվրոպայի առաջնության ընթացքում բողոքի ակցիա անցկացնել:
Երկրի ներքին գործերի նախարարի մամուլի քարտուղարն այլ բացատրություն ունի` ոստիկանների անբավարար քանակը նա կապում է կադրերի գարնանային արտահոսքի հետ:
ՄիաժամանակՄալգորժատա Վոզնյակը հավաստիացնում է, որ Եվրո-2012-ի անվտանգության ապահովումն առաջնային է նախարարության համար:
Տեղեկատվության աղբյուրի համաձայն` ոստիկանների շարքերը առայժմ չի հաջողվի համալրել:
