Լրատվամիջոցներում տարածված տեղեկությունների համաձայն, Ազգային ժողովը մտադիր է Մարդու իրավունքների պաշտպանի թեկնածու առաջադրել «Ինֆորմացիայի ազատության կենտրոն» հասարակական կազմակերպության նախագահ, ԵՊՀ դասախոս, բանասիրական և իրավաբանական կրթություն ունեցող Շուշան Դոյդոյանին։ «Առաջին լրատվական»-ի հետ զրույցում Շուշան Դոյդոյանն ասաց, որ իրեն ևս հասել են այդ լուրերը. «Խոսակցությունների մակարդակով ես ևս լսել եմ այդ մասին, սակայն պաշտոնական առաջարկ չի եղել, և այդ խոսակցությունները մեկնաբանելն առայժմ ճիշտ չեմ համարում»:
Հարցին, թե՝ պաշտոնական առաջարկի դեպքում կհամաձայնի՞ դառնալ ՀՀ Մարդու իրավունքների պաշտպան, տիկին Դոյդոյանը պատասխանեց. «Դա չափազանց պատասխանատու աշխատանք է, և ես, լինելով պատասխանատու մարդ, պետք է մտածեմ, չեմ կարող հենց այնպես էքսպրոմտ որոշումներ կայացնել»: