«Առյուծ արքա» մյուզիքլը՝ հայտնի երգիչ Էլթոն Ջոնի երգերով, դարձել է Բրոդվեյի ամենաշահութաբեր մյուզիքլը` առաջ անցնելով Էնդրյու Լլոյդ Վեբերի «Օպերայի ուրվական»-ից:
Ինչպես հաղորդում է The Hollywood Reporter-ը, 1997-ից ի վեր մյուզիքլը «վաստակել է» 853. 8 մլն դոլար այն ժամանակ, երբ «Օպերայի ուրվականը» իր 24-ամյա գոյության ընթացքում «վաստակել է» 853.1 մլն դոլար:
«Առյուծ արքան» իր ռեժիսորին` Ջուլի Թեյմորին բերել է 6 «Թոնի» մրցանակ, այդ թվում` «Լավագույն մյուզիքլ», «Լավագույն խորեոգրաֆիա» և «Լավագույն կոստյում» անվանակարգերում:
Նա առաջին կինն է, ով արժանացել է նման մրցանակների:
