Երեկ կայացավ Հոլանդիայի Վեյկ-ան-Զեե քաղաքում մեկնարկած շախմատի ավանդական սուպերմրցաշարի 5-րդ տուրը: Լևոն Արոնյանը սև ֆիգուրներով ոչ ոքի խաղաց Ռուսաստանի ուժեղագույն շախմատիստ Վլադիմիր Կրամնիկի հետ և այժմ վաստակած երեք միավորով ֆրանսիացի Վաշիե-Լագրավի հետ կիսում է 3-4-րդ հորիզոնականները: Առաջատարը Վիշվանաթհան Անանդն է (4 միավոր), երկրորդ տեղում ԱՄՆ-ը ներկայացնող Հիկարու Նակամուրան է (3.5 միավոր): 5-րդ տուրի մյուս պարտիաներում գրանցվել են հետևյալ արդյունքները.
Սմիթս – Անանդ 0-1
Կարլսեն – Լ’Ամի 1-0
Նակամուրա – Պոնոմարյով1/2
Վաշիե-Լագրավ – Գիրի 1/2
Նեպոմնյաշչի – Շիրով 1/2
Վան Հաո – Գրիշչուկ 1-0
B մրցաշարում հանդես եկող Գաբրիել Սարգսյանը 5-րդ տուրում նույնպես ոչ ոքի խաղաց: Սպիտակ ֆիգուրներով հանդես եկող հայ շախմատիստի մրցակիցը Չինաստանի ներկայացուցիչ Լի Չաոն էր: Մյուս պարտիաներում գրանցվեցին հետևյալ արդյունքները.
Մակշեյն – Ֆրեսինե 1/2
Վոյտաշեկ – Նիյբոեր 1-0
Լիմ – Տկաչև 1/2
Համեր – Սփուլմեն 1-0
Եֆիմենկո – Նավարա 1-0
Գանգուլի – Սո 0-1