Երեկ Բահրեյնի մայրաքաղաք Մանամայի մերձակայքում տեղի է ունեցել պայթյուն, որի հետևանքով վիրավորվել է 7 ոստիկան: Պայթյունը տեղի է ունեցել Բահրեյնի բանտում երկու ամիս հացադուլ հայտարարած ակտիվիստին ազատ արձակելու պահանջով սկսված բողոքի ակցիայի ժամանակ: Այս մասին հաղորդում է «Ազատություն» ռադիոկայանը:
Քաղաքական ակտիվիստ Աբդ Ալ-Հադին Ալ-Խավաջը, որը ձերբակալվել է հակակառավարական գործունեություն իրականացնելու մեղադրանքով, արդեն երկու ամիս է՝ հացադուլ է հայտարարել, և նրա առողջական վիճակը գնալով վատանում է: Ալ-Խավաջը Դանիայի քաղաքացի է, սակայն Բահրեյնը մերժել է եվրոպական այդ երկրի խնդրանքը` արտահանձնելու Ալ-Խավաջին:
Բացի այդ, ապրիլի 22-ին Բահրեյնում պետք է անցկացվի F1-ի Բահրեյնի ավտոարշավը, սակայն շատերը կասկածի տակ են դնում դրա անցկացման հնարավորությունը, քանի որ խնդիրներ կան մարզիկների և նրանց թիմերի անդամների անվտանգության ապահովման հարցում: