Թուրքիան և Արգենտինան բավարար կամք ունեն երկկողմ հաարբերությունները բարելավելու համար: Այս մասին հայտարարել է Թուրքիայի նախագահ Աբդուլլահ Գյուլն Արգենտինայի նախագահ Քրիստինա Քիշների հանդիպումից հետո: «Շատ կարևոր է, որ երկու երկրները բավարար կամք ունեն մեկ քայլ առաջ տանելու իրենց հարաբերությունները»,- ասել է Գյուլը:
Խոսելով տնտեսական հարաբերությունների մասին` Գյուլը կոչ է արել արգենտինացի գործարարներին ներդրումներ կատարել Թուրքիայում այնպես, ինչպես Արգենտինայում անում են թուրք գործարարները: Գյուլը նաև հայտնել է, որ Թուրքիան մեծ նշանակություն է տալիս Լատինական Ամերիկայի հետ հարաբերություններին` սկսած 2006թ.-ից. այնտեղ բացվում են նոր դիվանագիտական ներկայացուցչություններ:
Քիշներն իր հերթին հայտարարել է, որ Գյուլի հետ քննարկել են G20-ի և ՄԱԿ-ի հետ կապված հարցեր: Կարևորվել է ՄԱԿ-ի բարեփոխման անհրաժեշտությունը:
Այսօր նաև հայտնի է դարձել, որ կողմերը ստորագրել են պայմանագիր` ուղիղ չվերթներ սկսելու վերաբերյալ: Այս մասին հայտնում է Hurriyet-ը:
Հայող ցեղասպանության հարցի վերաբերյալ կողմերի ունեցած տարբեր կարծիքները միշտ բարդ իրավիճակներ են ստեղծել երկու կողմերի միջև հարաբերություններում: Մասնավորապես անցած տարի Էրդողանը հետաձգել էր իր այցը Բուենոս Այրես, քանի որ տեղի հայ համայնքի ճնշմամբ քաղաքի իշխանությունները հրաժարվել էին Աթաթուրքի արձանը Արգենտինայի մայրաքաղաքում տեղադրելուց: