Սիրիան կշարունակի զորքերի դուրս բերումը քաղաքներից միայն այն դեպքում, երբ ստանա գրավոր երաշխիքներ ՄԱԿ-ի և Արաբական երկրների լիգայի հատուկ պատվիրակ Քոֆի Անանից: Այս մասին ասվում է Սիրիայի արտգործնախարարության պաշտոնական ներկայացուցիչ Ջիհադ Մաքսեդիի հայտարարության մեջ: Փաստաթղթում ընդգծվում է, որ Թուրքիայի, Սաուդյան Արաբիայի և Քաթարի կողմից պաշտպանվող Սիրիական ազատ բանակի գրոհայինները ոչ միայն պետք է գրավոր համաձայնություն տան բռնությունը դադարեցնելու մասին, այլև պատրաստակամություն հայտնեն զենքերը վայր դնելու, որպեսզի օրինական իշխանությունը կարողանա վերականգնել իր դիրքերը Սիրիայի ողջ տարածքում, որից հետո համազգային երկխոսություն կսկսվի ընդդիմադիր բոլոր կուսակցությունների հետ:
