Իրանական Press TV-ի փոխանցմամբ՝ Իրանը պլանավորել է սահմանափակ քանակությամբ արտադրել մինչև 20 տոկոս հարստացված ուրան: Այս մասին «Վեցյակի» հետ կայանալիք «միջուկային» բանակցությունների նախաշեմին հայտարարել է Իրանի ազգային ատոմային ծրագրի ղեկավար Ֆերեյդուն Աբբասին:
Վերջինս հայտարարել է, որ հենց Իրանը ստանա ներքին օգտագործման համար անհրաժեշտ այդպիսի վառելիքի չափաքանակ, այդ ժամանակ էլ կկրճատի դրա արտադրությունը: Նա չի բացառել, որ Իրանը կարող է լիովին անցում կատարել մինչև 3.5 տոկոս հարստացված ուրանին.
«Այդ մասնակի հարստացված ուրանը պահեստավորվելու է և առաջիկա տարիներին օգտագործվելու է Թեհրանի հետազոտական ռեակտորում: Ինչ վերաբերում է ավելի քան 20 տոկոս հարստացված ուրանին, ապա Իրանն ընդհանրապես մտադիր չէ արտադրել այն: Դրա համար էլ Թեհրանը չի ունենա որևէ ռազմական ուրան»:
Նշվում է, որ միջուկային զենքի արտադրման համար անհրաժեշտ է մինչև 20 տոկոս հարստացված 250 կիլոգրամ ուրան:
