Տնտեսական մրցակցության պաշտպանության հանձնաժողովի նախագահի խորհրդական Արամ Սահակյանը այսօր մեզ հետ զրույցում տեղեկացրեց, որ իրենց կողմից ամենօրյա մոնիտորինգ է իրականացվում սոցիալական նշանակություն ունեցող ապրանքատեսակների շուկաներում։ Հատկապես գերիշխող դիրք ունեցող տնտեսվարողների նկատմամբ։ «Մեզ մոտ միայն ձվի լուրջ թանկացում նկատվեց։ Այս պահին գնային էական փոփոխություններ Նոր տարուց հետո մենք չենք նկատել։ Որոշ ապրանքների գները վերականգնվում են, այսինքն` նախկին զեղչերը հանվում են, և ապրանքների գները հին տեսքն են ստանում։ Այնուամենայնիվ, նախատոնական օրերից մինչ օրս ո’չ գների լուրջ նվազումներ կան, ո’չ բարձրացումներ»,- նկատեց Արա Սահակյանը։