ИТАР-ТАСС-ի փոխանցմամբ՝ Հարավային Օսիայում նշանակվել է նորընտիր նախագահ, ՊԱԿ-ի նախկին ղեկավար Լեոնիդ Թիբիլովի երդման արարողությունը: Այս մասին հայտնում են գործակալության աղբյուրները:
Դրանց համաձայն՝ Թիբիլովի երդման արարողությունը տեղի կունենա ապրիլի 19-ին: Հարավային Օսիայի Կենտրոնական ընտրական հանձնաժողովը (ԿԸՀ) երեկ տեղի ունեցած նախագահական կրկնակի ընտրությունների երկրորդ փուլի վերջնական արդյունքները հրապարակելու է այսօր՝ Մոսկվայի ժամանակով ժամը 17.00-ին:
Հիշեցնենք, որ նախնական տվյալներով՝ Հարավային Օսիայի ընտրություններում մասնակցության ցուցանիշը կազմել է ավելի քան 71 տոկոս: Լեոնիդ Թիբիլովը ստացել է քվեների ավելի քան 54.12 տոկոսը, իսկ նրա մրցակից, նախագահին կից մարդու իրավունքների հարցերով լիազոր Դավիթ Սանակոևը՝ 42.65 տոկոսը:
