Ինչպես այսօր փոխանցում է իսրայելական Գալեյ-Ցախալ ռադիոկայանը, Թիկրելի հանձնաժողովը, որը ստեղծել էր իսրայելական կողմը, և որին մասնակցում են նաև միջազգային փորձագետներ, կարդարացնի իսրայելական իշխանություների գործողությունները: Հանձնաժողովի զեկույցի առաջին մասն արդեն պատրաստ է և կհրապարակվի հաջորդ շաբաթ:
Սակայն ռադիոկայանին հայտնի է դարձել, որ, ըստ այդ եզրակացության, իսրայելական սահմանապահների գործողությունները համարվել են օրինաչափ և միջազգային օրենքներին համապատասխանող:
Ռադիոկայանը հույս է հայտնում, որ միջազգային դիտորդները նույնպես կստորագրեն այս եզրակացությունը, ինչը թույլ կտա ավելի ծանրակշիռ համարել զեկույցը:
Հիշեցնենք, որ անցած տարի «Խաղաղության նավատորմի» կազմում Ստամբուլից պաղեստինյան Գազա ուղևորվող թուրքական Mavi Marmara նավը կանգնեցվել էր իսրայելական սահմանապահների կոմղից, տեղի էր ունեցել բախում, որի հետևանքով մահացել էր Թուրքիայի 8, և ԱՄՆ 1 քաղաքացի: Կային բազմաթիվ վիրավորներ: Այս միջադեպից հետո ծայրահեղ լարվեցին Իսրայելի և Թուրքիայի հարաբերությունները, որոնք ցայսօր մնում են լարված:
