Եվրամիության խորհուրդը երկարաձգել է մինչ 2011թ-ի հոկտեմբերի 31-ը Բելառուսի մի շարք գործող եւ պաշտոնաթող պետական գործիչների` այդ թվում գործող նախագահ Ալեքսանդր Լուկաշենկոյի` Եվրոպա մուտք գործելու արգելքի ժամկետը: Ըստ տեղեկատվության` ընդհանուր առմամբ մոտ 41 պետական գործչի արգելվում է մուտք գործել Եվրոպա: Այս մասին հայտնում է РИА НОВОСТИ գործակալությունը` հղում անելով ԵՄ իր աղբյուրներին: Աղբյուրի հավաստմամբ, ԵՄ-ը շարունակվում է մտահոգված մնալ «Բելառուսում մարդու իրավունքների պաշտպանության, ազատ խոսքի, ինչպես նաև հավաքների ու ցույցերի ազատ անցկացման հարցերում առաջընթացի բացակայությամբ»:
