Ինչպես հաղորդում են արաբական աղբյուրները, Թուրքիայի արտաքին գործերի նախարար Ահմեդ Դավութօղլուն և Քաթարի արտգործնախարար շեյխ Համադ Ջասեմ Ալ-Թանին անսպասելիորեն դադարեցրել են իրենց առաքելությունը Լիբանանում և լքել են Բեյրութը:
Որպես դադարեցման հիմնավորում` բերվում են «որոշ վերապահումները», որոնք արել են լիբանանյան քաղաքական գործիչները միջնորդ կողմերի առաջարկությունների վերաբերյալ:
Հիշեցնենք, որ Դավութօղլուն և շեյխ Համադն այստեղ էին ժամանել դեռ երկու օր առաջ և ինտենսիվ բանակցություններ էին վարում տեղի քաղաքականու ուժերի հետ, որպեսզի Լիբանանում ստեղծված ներքաղաքական ճգնաժամը հնարավոր լինի լուծել խաղաղ բանակցություններով:
Լիբանանում այս ճգնաժամի պատճառ էր հանդիսացել կոալիցիոն կառավարության փլուզումը, որը կապված էր 2005թ.ին երկրի վարչապետ Ռաֆիկ Հարիրիի սպանության գործով զբաղվող միջազգային տրբունալի նկատմամբ լիբանանյան քաղաքական ուժերի ունեցած հակասական վերաբերմունքի հետ:
