«Եկել է ժամանակը դամբարանից հանելու Լենինի մարմինը». գրել է «Եդինայա Ռոսիա» կուսակցության պատգամավոր, կուսակցության Գերագույն խորհրդի անդամ Վլադիմիր Մեդինսկին «Եդինայա Ռոսիայի» պաշտոնական կայքում:
«Ես կարծում եմ, որ ամեն տարի մենք պետք է բարձրացնենք Լենինի` դամբարանից դուրս բերման հարցը: Սա կարծես անհեթեթ, հեթանոսական, նեկրոֆիլային մի առաքելություն է մեզ համար, որն իրականացնում ենք Կարմիր հրապարակում: Այնտեղ Լենինի մարմնից բան չի մնացել: Մասնագետները գիտեն,որ այնտեղ նրա մարմնի ընդամենը 10%-ն է, իսկ մնացածը արդեն դուրս է նետված և փոխարինված: Բայց կարևորը մարմինը չէ, այլ ոգին»,- հեգնել է նա:
«Շատերին վիրավորում է, որ Կարմիր հրապարակում համերգներ են լինում, բայց մենք չենք մտածում, որ դա կրկնակի սրբապղծություն է. համերգներն անցնում են գերեզմանատանը: Դա արդեն սատանիզմ է: Եվ մենք քայլում ենք գերեզմանով»,- ավելացրել է նա:
Եթե այս հայտարարությունն անում է իշխող կուսակցության անդամը, ապա կարելի է կարծել, որ Լենինի «վերջը» եկել է: