Կենդանիները, որոնց կերակրում են հեմոյով, այլևս ժառանգներ չեն տալիս: Շրջակա միջավայրը վտանգներից պաշտպանելու օրերը, որոնք Ռուսաստանում անցկացվում են ամեն տարի, անցյալ տարի սկսվեցին
սենսացիոն արդյունքների հրապարակմամբ: Ռուս անկախ հետազոտող գիտնականներն ապացուցել են, որ գենետիկորեն ձևափոխված օրգանիզմները (GMOs) վնասակար են նույնիսկ կաթնասունների համար:
Հետազոտողները հայտնաբերել են, որ կենդանիները, որոնք սպառում են հեմո սնունդ, արդեն 3-րդ սերնդում կորցնում են վերարտադրվելու ունակությունը: Քեմփբելի հատուկ տեսակի գերմանամկներին, որոնք սերունդների արագ հաջորդականություն են ունենում, փորձնականորեն երկու տարի տվել են սոյայի սնունդ, որն այսօր լայնորեն օգտագործվում է գյուղատնտեսության մեջ և պարունակում է հեմո բույսերի տարբեր տոկոսներ: Վերահսկող խմբին դժվարությամբ է հաջողվել Սերբիայում մաքուր սոյա գտնել, քանի որ, ինչպես գիտենք, աշխարհում սոյայի 95%-ը գենետիկորեն մոդիֆիկացված է:
Ռուսաստանի համազգային գենետիկական անվտանգության ասոցիացիայի և Սեվերցովի անվան էվոլյուցիայի ու էկոլոգիայի ինստիտուտի համատեղ ջանքերով անցկացված փորձարկման վերաբերյալ Ռուսաստանի գիտությունների ակադեմիայի աշխատակից, բնական գիտությունների դոկտոր Ալեքսեյ Սուրովը ասում է. «Մենք վերցրինք մի քանի խումբ այդ կենդանիներից, առանձնացրինք նրանց զույգերով առանձին վանդակներում և տվեցինք նրանց ամենասովորական սնունդը, որը միշտ ենք տալիս: Առաջին խմբի սննդի մեջ մենք ոչինչ չավելացրինք, մյուսին կերակրեցինք սոյայով, որը չէր պարունակում գենետիկորեն մոդիֆիկացված բաղադրիչներ: Երրորդ խմբին տվեցինք հեմոյի փոքր բաժնի պարունակությամբ, չորրորդին` ավելի բարձր պարունակությամբ սնունդ: Հետո սկսեցինք հետևել, թե ինչ է նրանց հետ տեղի ունենում»:
Սկզբում ամեն ինչ նորմալ էր ընթանում¸ բայց հենց մասնագետները սկսել են զույգեր կազմել 4 խմբերի ձագերից և կերակրել նրանց նույնկերպ¸ բավականին լուրջ հետևանքներ են նկատել` աճի թուլացում¸ սեռական հասունության դանդաղեցում և այլն: Ստանալով սերունդ այս զույգերից` գիտնականները սկսել են նրանցից ձևավորել 3-րդ զույգերը: Եվ ահա, այն խմբերում¸ որոնց կերակրել էինք հեմո պարունակությամբ սնունդով¸ ընդհանրապես ձագեր չեն ծնվել: «Պարզվեց¸ որ նրանք զրկվել են սերունդ տալու հնարավորությունից»- եզրահանգման է եկել ռուս մասնագետը:
Եվս մի տարօրինակ երևույթ¸ որը հայտնաբերվել է փորձարկված մկների երրորդ սերնդի մոտ¸ գիտնականները դեռ չեն կապում հեմոյի հետ: Այս կենդանիների մոտ բերանային հատվածում մազեր էին աճել, իսկ թե ինչով է դա բացատրվում՝ առայժմ պարզ չէ:
