Ադրբեջանական Turan լրատվական գործակալությանը տված հարցազրույցի ժամանակ ԱՄՆ պետդեպարտամենտի միջպետական հարաբերությունների գծով խորհրդական Ջոն Սիտիլիդիսն անդրադարձել է ոչ վաղ անցյալում ամերիկյան Foreign Policy ամսագրի հրապարակմանը, որում նշված էր, թե Ադրբեջանն իր տարածքները տրամադրել է Իսրայելին՝ Իրանի ռազմական օբյեկտներին, նավթային ու գազային հանքավայրերին հարվածներ հասցնելու համար.
«Ադրբեջանի տարածք հասնելու համար Իսրայելի կործանիչները պետք է անցնեն Թուրքիայի, Սիրիայի և Իրաքի օդային տարածքով: Վերջին 2.5 տարիներին Թուրքիայի կառավարությունը թշնամաբար է տրամադրված Իսրայելի հանդեպ: Սիրիայի կառավարությունը պատերազմական վիճակի մեջ է գտնվում Իսրայելի հետ: Իրաքը հասկացրել է, որ թույլ չի տա իր տարածքի գործածումը Իրանին հարվածներ հասցնելու համար:
Դրա համար էլ համոզիչ չեն հնչում այն պնդումները, թե Բաքուն պատրաստ է մասնակցել Իրանի դեմ հարվածին: Հազիվ թե որևէ ադրբեջանցի առաջնորդ պատրաստ լինի գնալ նման ռիսկի: Ադրբեջանը պետք է զգույշ գործի և չսադրի Իրանին»:
